XAYRIYA

“MUSOFIR” xayriya loyihasi — xorijda mehnat qilayotgan, taʼlim olayotgan Oʻzbekiston Respublikasi fuqarolariga, kelib tushgan xayriya mablagʻlaridan ijtimoiy himoyaga muhtoj vatandoshlarimiz uchun moddiy yordam koʻrsatish. Hamda, 15 sentyabr 2020 yildagi PQ-4829-sonli Oʻzbekiston Respublikasi Prezidentining Qarorini ijrosini taʼminlash.

Loyihaning maqsadlari:
- xorijdagi ijtimoiy himoyaga muhtoj vatandoshlarimizni qoʻllab-quvvatlash;
- xorijdagi va mahalliy tashkilotlar hamda moliyaviy barqarorlikka ega fuqarolardan kraudfanding usuli orqali xayriya mablagʻlarini jalb qilish tizimini yoʻlga qoʻyish;
- yoshidan qatʼiy nazar fuqarolar orasida xayriya madaniyatini rivojlantirish.

Loyihaning asosiy vazifalari:
- xorijda ijtimoiy himoyaga muhtoj vatandoshlarimizni aniqlash;
- xorijdagi va mahalliy tashkilotlar hamda moliyaviy barqarorlikka ega fuqarolarimiz maʼlumotlar bazasini yaratish;
- Oʻzbekiston yoshlari umumjahon assotsiatsiyasining vakillari orqali xayriya faoliyatini olib boruvchi tashkilotlar tajribasini oʻrganish;
- “MUSOFIR” xayriya loyihasining shaffofligini taʼminlash.