​Volontyorlik haqida 

Volontyorlik - bu boshqalarni o`ylovchi,ularning baxt-saodati, manfaati uchun fidokorona xizmat qiluvchi, shu ,bilan birgalikda ixtiyoriy, beminnat, beg`araz, ijtimoiy ahamiyatga ega faoliyatni amalga oshiruvchi shaxs hisoblanadi. Shuningdek, u Siz kabi faol, quvnoq, oq ko`ngil, mehribon, e'tiborli, maktab o'quvchisi, talaba, yoki oddiy ishchi bo`lishi mumkin, ya`ni unday inson (ko'ngillilik)lar uchun "yordam" so'zi nafaqat bebaho, balki alohida ma`no hamda ahamiyatga egadir.

Volontyorlik faqatgina qog'ozda mavjud bo'lgan oddiy loyixa emas. Bu nafaqat turli shaharlardan, balki turli mamlakatlardan va butun qit'alardan odamlarni birlashtiradigan, dunyo miqyosidagi eng yirik ijtimoiy loyihalardandir. Xalqaro forumlar, almashinuv dasturlari, chempionatlar, sammitlar, Olimpiadalar va boshqa minglab loyihalar dunyo boylab ezgulik yo`lini tanlagan insonlar sonini ko'paytirmoqda.

O`zbekiston yoshlari umumjahon assotsiatsiyasining asosiy maqsadi - O`zbekiston Respublikasining fuqarosi bo`lgan va horijiy mamlakatlarda o`qiyotgan hamda mehnat qilayotgan yoshlar bilan ish olib borish, ularning huquq va manfaatlarini himoya qilish, shuningdek ixtiyoriy mehnat tamoyillari asosida ularning o`z g`oyalari va tashabbuslarini amalga oshirishdir. Hozirgi kunda horijiy mamlakatlarda Assotsiatsiya o`z koordinatorlarga ega ular ixtiyoriy, beminnat, bepul o`z vatandoshlari baxt-saodati, manfaati uchun fidokorona xizmat qilishmoqda.  

Nima uchun volontyor bo`lish kerak? 

Volontyorlar madaniyat, jamiyat va insonlarni rivojlanishiga o`z xissasini qo`shishadi, ular shu ishlar o`rqali o`z xayotlarini yaxshi tarafga o`zgartirishadi. Volontyor har kuni o`zida ko`plab foydali fazilatlarni rivojlantiradi, bilim xazinasini, imkoniyatlarini oshiradi, shuningdek, ham shaxsiy xayoti, ham kasbiy ko`nikmalarini rivijlantirishda yordam beradigan tajribaga ega bo`ladi.

Volontyorning shahsiy kitobi

Shahsiy kitobga ega bo'lishni istasangiz, ro'yxatdan o'tish formasini to'ldiring.

Siz hakingizdagi ma'lumot bizning volontyorlarimiz bazasiga tushadi. Siz tanlagan yo'nalish bo'yicha mas'ul mutaxassis Siz bilan bevosita aloqaga chiqadi. Bundan tashqari ro'yxatda ko'rsatilgan elektron pochta manzilingiz axborot byulleteniga obuna bo'ladi va Siz o'z vaqtida bizga qanday yordamingiz kerakligi bilib olasiz hamda loyixalar muhokamalarida qatnashishingiz mumkin.

Agarda Siz volontyorlar safiga qo'shilgan bo'lsangiz, Volontyorning shahsiy kitobini olishingizga ishonch hosil qiling:

1. http://wayu.uz veb-saytida ro'yxatdan o'ting;

2. Shahsiy kabinetingizdan ariza formasini chop eting;

3. Ariza formasini bilan 3x4 hajmli fotosuratni (pasport kabi) Siz yashab turgan shaharning O'zbekiston yoshlari umumjahon assotsiatsiyasi koordinatoriga taqdim eting;

4. Agarda Siz yashab turgan shaharda O'YoUA koordinatori bo'lmasa, bu holda Siz hujjatlaringizning elektron versiyasini o'zingiz yashayotgan mamlakatdagi koordinatorlar birining elektron manziliga yuboring;

5. Volontyorning shahsiy kitobining tayyorligi haqidagi xabarni kuting.